16 வயதிலேயே சாதனைச் சிகரம்! உலகின் மிக இளைய 'Auditor' ஆகி கின்னஸில் கலக்கிய தமிழன்!

தமிழ் வம்சாவளியைச் சேர்ந்த 16 வயது இளைஞர் மெய்யப்பன் லக்ஷ்மணன், மிகக் குறைந்த வயதிலேயே சார்ட்டர்ட் அக்கவுண்டன்ட் (CA) பட்டம் பெற்று கின்னஸ் உலக சாதனை புத்தகத்தில் இடம் பிடித்துள்ளார்.

பொதுவாக 16 வயது என்பது பள்ளிப் படிப்பை முடித்து மேல்படிப்பிற்கான கனவுகளோடு இருக்கும் பருவம். ஆனால், தமிழ் வம்சாவளியைச் சேர்ந்த மெய்யப்பன் லக்ஷ்மணன், தனது 16 வயது 141 நாட்களிலேயே சர்வதேச அளவில் அங்கீகரிக்கப்பட்ட ACCA சார்ட்டர்ட் அக்கவுண்டன்ட் தகுதியைப் பெற்று உலக சாதனை படைத்துள்ளார்.

துபாயில் வசித்து வரும் மெய்யப்பன், கொரோனா ஊரடங்கு காலத்தில் 10-ம் வகுப்பு முடித்தவுடன் நிதித்துறையின் மீது ஆர்வம் கொண்டார். ACCA தகுதி பெற்ற தனது தாயாரின் வழிகாட்டுதலோடு, தனது 15-வது வயதில் தீவிரமாகப் படிக்கத் தொடங்கி, ஒரே ஆண்டில் அனைத்துத் தேர்வுகளிலும் தேர்ச்சி பெற்றார்.

கற்றல் என்பது வேகத்தைப் பற்றியது அல்ல; நிதிச் சந்தையின் செயல்பாட்டை ஆழமாகப் புரிந்து கொள்வதே எனது இலக்கு" என மெய்யப்பன் நெகிழ்ச்சியுடன் தெரிவித்துள்ளார்.

இளம் வயதிலேயே கடின உழைப்பாலும் ஆர்வத்தாலும் நிதித்துறையில் வரலாறு படைத்துள்ள மெய்யப்பன் லக்ஷ்மணனுக்கு உலகெங்குமிருந்து பாராட்டுகள் குவிந்து வருகின்றன.