ரஷியாவிடம் கச்சா எண்ணெய் வாங்கும் நாடுகளுக்கான வரி நடவடிக்கையில் தளர்வு – டிரம்ப் அறிவிப்பு!

ரஷியா மீதான பொருளாதார அழுத்தத்தை அதிகரிக்கும் நோக்கில் கொண்டுவரப்பட்ட புதிய சட்டத்தின் கீழ், ரஷியாவிடமிருந்து எரிசக்தி வாங்கும் முக்கிய நாடுகளின் பொருட்களுக்கு 100 சதவீதம் வரை கூடுதல் வரி விதிக்க வழிவகை செய்யப்பட்டிருந்தது. இந்த நடவடிக்கை அக்டோபர் 18ஆம் தேதி அமலுக்கு வரவிருந்த நிலையில், அமெரிக்காவின் தேசிய நலன் கருதி அதற்கு விலக்கு அளிப்பதாக டிரம்ப் உத்தரவிட்டுள்ளார்.

ரஷியாவிடமிருந்து அதிக அளவில் கச்சா எண்ணெய் வாங்கும் இந்தியா, சீனா உள்ளிட்ட நாடுகளுக்கு இந்த முடிவு தற்காலிக நிவாரணத்தை அளித்துள்ளது. எனினும், எதிர்காலத்தில் மீண்டும் வரி நடவடிக்கைகளை அமல்படுத்துவதற்கான வாய்ப்பு நீடிப்பதாகத் தெரிவிக்கப்பட்டுள்ளது.