சூரிச் நகரில் சாலைகளை அகற்றி மரங்கள் மற்றும் பசுமைப் பகுதிகள் அதிகரிப்பு

2024ஆம் ஆண்டு மக்கள் ஆதரவுடன் ஏற்றுக்கொள்ளப்பட்ட நகர காலநிலை மற்றும் போக்குவரத்து திட்டங்களின் அடிப்படையில், 2035ஆம் ஆண்டுக்குள் மொத்தம் 6 லட்சம் சதுர மீட்டர் பரப்பளவை மறுவடிவமைக்க நகரம் இலக்கு நிர்ணயித்துள்ளது.

முதல் ஆண்டில், பசுமையாக்கல் இலக்கில் 33.3 சதவீதமும், நடைபயணம், சைக்கிள் மற்றும் பொதுப் போக்குவரத்துக்கான வசதிகளை மேம்படுத்தும் இலக்கில் 8.3 சதவீதமும் நிறைவேற்றப்பட்டுள்ளதாக நகர நிர்வாகம் தெரிவித்துள்ளது.

ஷ்வாமெண்டிங்கனில் உள்ள Überlandpark திட்டம் மட்டும் மொத்த பசுமையாக்கல் இலக்கில் 27 சதவீதத்தை பூர்த்தி செய்துள்ளது.

மேலும், Neue Hard மற்றும் Geroldstrasse பகுதிகளில் 74 புதிய மரங்களை நடுவதுடன், பசுமைப் பகுதியும் உருவாக்கப்பட உள்ளது. அங்கு தற்போது உள்ள நான்கு வாகனப் பாதைகள் இரண்டாகக் குறைக்கப்படவுள்ளன.

மொத்தமாக, 4 லட்சத்து 62 ஆயிரம் சதுர மீட்டர் சாலைப் பகுதியை நடைபாதை, சைக்கிள் மற்றும் பொதுப் போக்குவரத்துக்காக மாற்றவும், மேலும் 1 லட்சத்து 45 ஆயிரம் சதுர மீட்டர் பரப்பளவை பசுமையாக்கவும் சூரிச் நகரம் திட்டமிட்டுள்ளது.