நவம்பரில் 'சத்தியவான் சாவித்திரி' ரிலீஸ்! அதிகாரப்பூர்வ அறிவிப்பு

நீதிமன்றப் பின்னணியில் விறுவிறுப்பான மோதல்

அறிமுக இயக்குநர் பிரவீன் எஸ். விஜய் இயக்கியுள்ள இத்திரைப்படம் ஒரு ‘கோர்ட் ரூம் டிராமா’ பாணியில் உருவாகியுள்ளது. நீதிமன்றத்தில் இரு வேறு தரப்புகளுக்கு இடையே நடக்கும் விறுவிறுப்பான சட்டப் போராட்டத்தையும், நீதிக்கான தேடலையும் மையமாகக் கொண்டு இப்படத்தின் திரைக்கதை அமைக்கப்பட்டுள்ளது.

இப்படத்தில் நடிகை கீர்த்தி சுரேஷ் முதன்மை கதாபாத்திரத்தில் நடிக்க, அவருக்கு எதிரான வழக்கறிஞர் கதாபாத்திரத்தில் இயக்குநர் மிஷ்கின் நடித்துள்ளார். இவர்கள் இருவருக்கும் இடையேயான வாதப் பிரதிவாதங்கள் படத்தின் மிகப்பெரிய பலமாக இருக்கும் என எதிர்பார்க்கப்படுகிறது.

ஜீ ஸ்டூடியோஸ் மற்றும் ட்ரம்ஸ்டிக் புரடக்‌ஷன்ஸ் இணைந்து தயாரித்துள்ள இப்படத்தில், பாலாஜி சக்திவேல், பால சரவணன், சாருகேஷ், ஆர். சுந்தர்ராஜன், மாலா பார்வதி உள்ளிட்ட பலர் முக்கியக் கதாபாத்திரங்களில் நடித்துள்ளனர்.

முன்னதாக வெளியான இப்படத்தின் 'ஃபர்ஸ்ட் லுக்' போஸ்டர் இணையத்தில் வெளியாகி ரசிகர்களிடையே பெரும் வரவேற்பைப் பெற்றது. தற்போது புதிய ரிலீஸ் தேதி வெளியாகி உள்ளதால் கீர்த்தி சுரேஷ் மற்றும் மிஷ்கினின் ரசிகர்களிடையே பெரும் எதிர்பார்ப்பு உருவாகியுள்ளது.