பாகிஸ்தானில் பள்ளிக் கூரை இடிந்து விபத்து – 34 பேர் உயிரிழப்பு!

திர் காலனி பகுதியில் உள்ள பள்ளியில் நேற்று இந்த விபத்து நிகழ்ந்துள்ளது. இதில் 19-க்கும் மேற்பட்டோர் படுகாயமடைந்து மருத்துவமனையில் அனுமதிக்கப்பட்டுள்ளனர். அவர்களில் பலரது நிலைமை கவலைக்கிடமாக இருப்பதாகத் தெரிவிக்கப்பட்டுள்ளது.

இடிபாடுகளுக்குள் மேலும் பல குழந்தைகள் சிக்கியிருக்கலாம் என்பதால், மீட்புப் பணிகள் தீவிரமாக நடைபெற்று வருகின்றன. இதற்கிடையே, பள்ளியின் உரிமையாளரை காவல்துறையினர் கைது செய்துள்ளனர்.

பள்ளிக் கட்டிடம் மிகவும் பலவீனமான நிலையில் இருந்ததாகக் காவல்துறை தெரிவித்துள்ளது. விபத்துக்கான காரணம் குறித்து விசாரணை நடைபெற்று வருகிறது.