இலங்கையில் 25 மாவட்டங்களுக்கு கடும் மின்னல் எச்சரிக்கை

இரவு 11.30 மணி வரை இந்த எச்சரிக்கை அமலில் இருக்கும் என வானிலை ஆய்வு திணைக்களம் தெரிவித்துள்ளது. 9 மாவட்டங்களுக்கு சிவப்பு எச்சரிக்கையும், 16 மாவட்டங்களுக்கு மஞ்சள் எச்சரிக்கையும் விடுக்கப்பட்டுள்ளது.

குறிப்பிட்ட பகுதிகளில் பல இடங்களில் இடியுடன் கூடிய கனமழை மற்றும் கடும் மின்னல் ஏற்படக்கூடும் என எச்சரிக்கப்பட்டுள்ளது. இடியுடன் கூடிய மழையின்போது தற்காலிகமாக பலத்த காற்றும் வீசக்கூடும்.

மின்னல் தாக்கத்தால் ஏற்படும் பாதிப்புகளைத் தவிர்க்க பொதுமக்கள் உரிய முன்னெச்சரிக்கை நடவடிக்கைகளை மேற்கொள்ளுமாறு வானிலை ஆய்வு திணைக்களம் அறிவுறுத்தியுள்ளது.