ஷாங்காய் ஒத்துழைப்பு அமைப்பு மாநாடு: பாகிஸ்தானுக்கு இந்தியா அழைப்பு!

'ஆபரேஷன் சிந்தூர்' இராணுவ நடவடிக்கைக்குப் பிறகு, பாகிஸ்தான் அமைச்சருக்கு இந்தியா விடுக்கும் முதல் அழைப்பு இது என்பதால் இராஜதந்திர ரீதியில் பெரும் முக்கியத்துவம் பெறுகிறது.

எதிர்வரும் நவம்பர் 20 முதல் 22 வரை புதுடெல்லி புராணா கிலாவில் நடைபெறும் இந்த சர்வதேச மாநாட்டைப் பிரதமர் நரேந்திர மோடி தொடக்கி வைக்கவுள்ளார்.

இதில் பாகிஸ்தானின் தேசிய பாரம்பரியம் மற்றும் கலாசாரத்துறை அமைச்சர் அவ்ரங்கசீப் கான் கிச்சி உட்பட 10 உறுப்பு நாடுகளின் பிரதிநிதிகளுக்கும் அழைப்பு அனுப்பப்பட்டுள்ளது.

நாகரிகப் பிணைப்பு, கலாசார உறவுகள் மற்றும் பாரம்பரியங்களைப் பாதுகாப்பது தொடர்பான பேச்சுவார்த்தைகளை மையமாகக் கொண்டு இந்த மாநாடு ஏற்பாடு செய்யப்பட்டுள்ளது.