விசா இல்லாத பயணத்துக்கு இலங்கை, தாய்லாந்து இணக்கம்!

முன்மொழியப்பட்ட ஒப்பந்தத்தின் கீழ், செல்லுபடியாகும் சாதாரண கடவுச்சீட்டுகளைக் கொண்ட இரு நாடுகளின் குடிமக்களும், சுற்றுலா நோக்கங்களுக்காக முன்கூட்டியே விசா பெறாமலேயே அந்தந்த நாடுகளுக்குள் நுழையவும், அங்கிருந்து வெளியேறவும் மற்றும் அந்நாடுகள் வழியாகப் பயணம் செய்யவும் முடியும்.

பயணிகள் ஒவ்வொரு வருகையின்போதும் 30 நாட்கள் வரை தங்குவதற்கு அனுமதிக்கப்படுவார்கள்; அதேவேளையில், 180 நாட்கள் காலப்பகுதிக்குள் மொத்தம் 90 நாட்கள் வரை தங்குவதற்கு அனுமதி அளிக்கப்படும்.

வேலைவாய்ப்பு, கல்வி, ஊடகம் சார்ந்த நடவடிக்கைகள் அல்லது முன் அனுமதி தேவைப்படும் பிற நோக்கங்களுக்கு இந்த விசா விலக்கு பொருந்தாது.

இலங்கை மற்றும் தாய்லாந்து அரசாங்கங்களுக்கு இடையிலான விசா விலக்கு ஒப்பந்தத்தில் கையெழுத்திடுவதற்காக, பொதுப் பாதுகாப்பு மற்றும் நாடாளுமன்ற விவகார அமைச்சர் சமர்ப்பித்த முன்மொழிவுக்கு அமைச்சரவை அங்கீகாரம் அளித்துள்ளது.