இயற்கை அனர்த்தத்தால் பாதிக்கப்பட்ட நேபாளத்திற்கு இலங்கை 1 மில்லியன் டொலர் நிதியுதவி!

இயற்கை அனர்த்தத்தினால் பாதிக்கப்பட்டுள்ள நேபாள நாட்டிற்கு நிவாரண மற்றும் மறுசீரமைப்புப் பணிகளுக்காக இலங்கை அரசாங்கம் ஒரு மில்லியன் அமெரிக்க டொலர் (1 Million USD) நிதியுதவியை வழங்க தீர்மானித்துள்ளது.

இரு நாடுகளுக்கும் இடையிலான நீண்டகால நட்புறவு மற்றும் அண்டை நாட்டு ஒற்றுமையின் அடிப்படையில் இந்த அவசர நிதியுதவி அறிவிக்கப்பட்டுள்ளது.

பாதிக்கப்பட்ட மக்களுக்குத் தேவையான அவசர நிவாரணப் பொருட்கள், மருத்துவ வசதிகள் மற்றும் உட்கட்டமைப்பு மறுசீரமைப்பு பணிகளுக்காக இந்த நிதி நேபாள அரசாங்கத்திடம் நேரடியாகக் கையளிக்கப்படும்.

நிதியுதவியுடன் சேர்த்து, அத்தியாவசிய மருந்துகள் மற்றும் உலர் உணவுப் பொருட்களையும் நேபாளத்திற்கு அனுப்ப இலங்கை அரசு நடவடிக்கை எடுத்து வருகிறது.

"துயரமான இந்தக் காலக்கட்டத்தில் நேபாள மக்களுடன் இலங்கை என்றும் துணையாக நிற்கும்" என வெளிவிவகார அமைச்சு வெளியிட்டுள்ள அறிக்கையில் குறிப்பிடப்பட்டுள்ளது.

முன்னதாக இலங்கையில் ஏற்பட்ட இயற்கை சீற்றங்களின் போது நேபாள அரசாங்கம் வழங்கிய உதவிகளை சுட்டிக்காட்டியுள்ள வெளிவிவகார அமைச்சு, இந்த இக்கட்டான சூழலில் நேபாளத்திற்குத் தேவையான அனைத்து மேலதிக உதவிகளையும் வழங்க இலங்கை தயார் நிலையில் உள்ளதாகவும் தெரிவித்துள்ளது.