மெல்போர்னில் சிறுமிகளைத் துஷ்பிரயோகம் செய்த இலங்கை பிக்குவுக்கு 13 ஆண்டுகள் சிறை!

மெல்போர்ன் தம்ம சரண விகாரையின் பிரதம பிக்குவாகப் பணியாற்றிய 71 வயதுடைய நாவொதுன்னே விஜித தேரர், கடந்த 1994 முதல் 2002 வரை விகாரைக்கு வந்த சிறுமிகளைத் தனது தங்குமிடத்திற்கு அழைத்துச் சென்று பாலியல் வன்முறை மற்றும் முறைகேடுகளில் ஈடுபட்டுள்ளார்.

பெற்றோர் தன் மீது வைத்திருந்த நம்பிக்கையைத் தவறாகப் பயன்படுத்தி இந்தக் கொடூரச் செயலில் ஈடுபட்டதாக நீதிபதி தனது தீர்ப்பில் கடுமையாகக் கண்டித்துள்ளார்.

விக்டோரியா மாநில கவுண்டி நீதிமன்றம் வழங்கியுள்ள இந்தத் தண்டனையின்படி, அவர் குறைந்தபட்சம் 9 ஆண்டுகள் மற்றும் 4 மாதங்கள் சிறைவாசம் அனுபவிக்க வேண்டும். தண்டனைக்குப் பின் அவர் அவுஸ்திரேலியாவிலிருந்து நாடுகடத்தப்படலாம் என எதிர்பார்க்கப்படுகிறது.

மத குருமார்களின் பெயரால் குழந்தைகளிடம் இழைக்கப்பட்ட இந்தச் கோரச் செயல் அவுஸ்திரேலியவாழ் மக்களிடையே பெரும் அதிர்ச்சியை ஏற்படுத்தியுள்ளது.