சைபர் தாக்குதல் வதந்திகளை திட்டவட்டமாக மறுத்த ஸ்ரீலங்கன் ஏர்லைன்ஸ்!

சமீபத்தில் நாடாளுமன்றத்தில் மற்றும் சில ஊடகங்களில் ஸ்ரீலங்கன் ஏர்லைன்ஸ் அமைப்புகள் மீது சைபர் தாக்குதல் நடத்தப்பட்டு, கிரிப்டோகரன்சியில் கப்பத் தொகை கேட்கப்பட்டதாகக் குற்றச்சாட்டுகள் முன்வைக்கப்பட்டன. இது தொடர்பாக விளக்கம் அளித்து ஸ்ரீலங்கன் ஏர்லைன்ஸ் அறிக்கை ஒன்றை வெளியிட்டுள்ளது. 

ஸ்ரீலங்கன் ஏர்லைன்ஸ் வெளியிட்டுள்ள முக்கிய தகவல்கள்: நிறுவனத்தின் கணினி அமைப்புகள், மென்பொருள்கள் மற்றும் மின்னஞ்சல் வசதிகள் அனைத்தும் எந்தவிதக் பாதிப்புமின்றி முழுப் பாதுகாப்புடன் இயங்கி வருகின்றன.  

பயணிகள் தகவல் அல்லது தனிப்பட்ட தரவுகள் எவையும் ஹேக்கர்களால் திருடப்படவோ அல்லது ஊடுருவப்படவோ இல்லை.

டிக்கெட் முன்பதிவு சேவை மற்றும் அனைத்து விமான நடவடிக்கைகளும் வழக்கமான அட்டவணைப்படி எவ்விதத் தடையுமின்றி நடைபெற்று வருகின்றன.  

ஹேக்கர்களிடமிருந்து எவ்விதமான பணப் பரிமாற்ற கோரிக்கைகளோ அல்லது அச்சுறுத்தல்களோ தங்களுக்கு வரவில்லை என நிறுவனம் தெளிவுபடுத்தியுள்ளது

"பொதுமக்களும் பயணிகளும் இத்தகைய ஆதாரமற்ற வதந்திகளை நம்ப வேண்டாம் என்றும், பயணிகள் தரவுப் பாதுகாப்பிலும் தடையற்ற சேவையிலும் ஸ்ரீலங்கன் ஏர்லைன்ஸ் முழுக் கவனத்துடன் செயற்படுவதாகவும் நிறுவனம் உறுதியளித்துள்ளது."