நவம்பர் 15 முதல் ஆரம்பம்: கேரள அரசின் சாலை பாதுகாப்பு விழிப்புணர்வுப் பிரச்சாரத்தை வழிநடத்துகிறார் மம்மூட்டி!

கேரள மாநிலத்தில் ஆண்டுதோறும் வீதி விபத்துகளில் சுமார் 3,700 பேர் உயிரிழப்பதைத் தொடர்ந்து, விபத்துகளைக் குறைக்கவும் வீதி விதிகள் பற்றிய விழிப்புணர்வை ஏற்படுத்தவும் 'கேரள மாநில சாலை பாதுகாப்பு மிஷன்' (Kerala State Road Safety Mission) என்ற புதிய திட்டம் தொடங்கப்படவுள்ளது. 

இத்திட்டத்தின் உத்தியோகபூர்வ அறிவிப்பு மற்றும் தொடக்க விழா வரும் நவம்பர் 15-ஆம் திகதி நடைபெறவுள்ளதாகக் கேரளப் போக்குவரத்துத் துறை அமைச்சர் சி.பி. ஜான் அறிவித்துள்ளார். 

இத்திட்டத்தை மக்களிடையே தீவிரமாகக் கொண்டு சேர்க்கும் வகையில், பிரபல மலையாளத் திரைப்பட நடிகர் மம்மூட்டி பிராண்ட் தூதராக நியமிக்கப்பட்டுள்ளார். 

'விழிப்புணர்வு மற்றும் சட்ட அமுலாக்கம்' (Enlighten and Enforce) என்ற கோட்பாட்டின் அடிப்படையில் இயங்கும் இத்திட்டத்தில், முதல்வர் தலைமை வகிக்க, எட்டு அமைச்சர்கள் உறுப்பினர்களாகச் செயல்படவுள்ளனர். 

பாடசாலைப் பாடத்திட்டத்தில் வீதி பாதுகாப்பைச் சேர்ப்பது, அபாயகரமான வீதி வளைவுகளைக் கண்டறிந்து சீரமைப்பது மற்றும் பாதுகாப்பான ஓட்டுநர் கிளப்புகளை உருவாக்குவது உள்ளிட்ட பல முக்கிய அம்சங்கள் இத்திட்டத்தில் சேர்க்கப்பட்டுள்ளதாக அரசாங்கம் தெரிவித்துள்ளது.