ஹவுதி கிளர்ச்சியாளர்களின் திடீர் தாக்குதல்: நூலிழையில் உயிர் தப்பிய ஏமன் பிரதமர்!

ஏமனில் உத்தியோகபூர்வ அரசாங்கத்திற்கும் ஹவுதி கிளர்ச்சியாளர்களுக்கும் இடையே நீண்டகாலமாக மோதல் போக்கு நிலவி வருகிறது. இந்நிலையில், நாட்டின் தலைநகர் மற்றும் முக்கியப் பகுதியில் அமைந்துள்ள அதிபர் மாளிகையை இலக்காகக் கொண்டு கிளர்ச்சியாளர்கள் இந்த திடீர் ஏவுகணைத் தாக்குதலைப் நடத்தியுள்ளனர்.

தாக்குதல் இடம்பெற்ற போது பிரதமர் மாளிகையினுள் இருந்தபோதிலும், அவர் காயங்களின்றி பாதுகாப்பாக மீட்கப்பட்டுள்ளார். இருப்பினும், அங்கிருந்த பாதுகாப்பு அதிகாரிகள் மற்றும் ஊழியர்கள் உட்பட 5 பேர் சம்பவ இடத்திலேயே பரிதாபமாக உயிரிழந்துள்ளனர். மேலும் சிலர் பலத்த காயமடைந்து மருத்துவமனையில் அனுமதிக்கப்பட்டுள்ளனர்.

இந்தத் தாக்குதலுக்கு சர்வதேச நாடுகள் கடும் கண்டனம் தெரிவித்துவருவதுடன், பிராந்தியத்தில் பதற்றமான சூழ்நிலை மேலும் தீவிரமடைந்துள்ளது.