வெப்ப அலையால் சுவிஸ் பொருளாதாரத்திற்கு 400 மில்லியன் பிராங்குகள் இழப்பு

கடும் வெப்பம் காரணமாக பணியாளர்களின் பணித்திறன் குறைந்ததுடன், கூடுதல் இடைவேளைகள் மற்றும் உடல்நலக்குறைவு காரணமாக பணியாளர் விடுப்புகளும் அதிகரித்துள்ளன.

இந்த 400 மில்லியன் பிராங்குகள் இழப்பு, சுவிட்சர்லாந்தின் மொத்த உள்நாட்டு உற்பத்தியில் சுமார் 0.05 சதவீதத்திற்கு சமமாகும் என Allianz Trade தெரிவித்துள்ளது.

காலநிலை மாற்றம் பொருளாதாரத்தில் முக்கிய தாக்கத்தை ஏற்படுத்தி வருவதாக அந்த நிறுவனம் தெரிவித்துள்ளது. மேலும், 2027ஆம் ஆண்டில் உலகளவில் தீவிர வானிலை காரணமாக சுமார் 451 பில்லியன் அமெரிக்க டாலர்கள் அளவுக்கு பொருளாதார இழப்பு ஏற்படக்கூடும் என ஆய்வு கணித்துள்ளது.

காலநிலை மாற்றத்தால் ஏற்படும் பாதிப்புகளை எதிர்கொள்ள முன் எச்சரிக்கை அமைப்புகள், இடர் வரைபடங்கள் மற்றும் முறையான தயார்நிலை நடவடிக்கைகள் அவசியம் என்றும் ஆய்வு வலியுறுத்தியுள்ளது.