சுவிஸ் பனியாறுகள் தொடர்ந்து உருகுதல் – 5 ஆண்டுகளில் 20% பனி இழப்பு

GLAMOS மற்றும் SCNAT தரவுகளின்படி, இந்த ஆண்டில் சுவிஸ் பனியாறுகளின் 5 சதவீதத்துக்கும் அதிகமான பனி உருகியுள்ளது. தனிப்பட்ட பனியாறுகளில் சராசரி பனித் தடிமன் 2.5 முதல் 4 மீட்டர் வரை குறைந்துள்ளது. சில பனியாறு நாக்குகளில் கோடைக்காலத்தில் 10 மீட்டர் வரை பனி குறைந்துள்ளது.

கடந்த 5 ஆண்டுகளில் மட்டும் சுவிட்சர்லாந்தின் மொத்த பனியின் அளவு கிட்டத்தட்ட 20 சதவீதம் குறைந்துள்ளது. மே முதல் செப்டம்பர் வரை ஒவ்வொரு மாதமும் வறட்சி அல்லது குறைந்தது ஒரு வெப்ப அலை பதிவாகியுள்ளது.

இந்த காலகட்டத்தில் 4,000 மீட்டர் உயரத்திற்கு மேல்கூட 76 நாட்கள் உறைபனி நிலை காணப்படவில்லை. இது நீண்டகால சராசரியை விட இருமடங்காகவும், புதிய சாதனை அளவாகவும் பதிவாகியுள்ளது.

ஜூலை முதல் செப்டம்பர் வரை பனியாறுகள் சுமார் 2.2 டிரில்லியன் லிட்டர் தண்ணீரை இழந்துள்ளன. தற்போது இந்த உருகும் நீர் கோடைக்கால தண்ணீர் பற்றாக்குறையை ஓரளவு சமாளிக்க உதவினாலும், பனியாறுகள் தொடர்ந்து சுருங்குவதால் இந்த இயற்கையான நீராதாரம் எதிர்காலத்தில் குறைந்து வருவதாக தெரிவிக்கப்பட்டுள்ளது.