சொந்தங்கள் என்று பேசினால் மட்டும் போதாது: முதலமைச்சர் விஜயை இலக்கு வைக்கும் டி.டி.வி.தினகரன்!

இதுதொடர்பாக அவர் வெளியிட்டுள்ள அறிக்கையில் தெரிவிக்கப்பட்டுள்ளதாவது:

தேர்தல் பிரச்சாரங்களிலும் பொதுக்கூட்டங்களிலும் தமிழ்நாட்டின் 8 கோடி மக்களும் எனது குடும்பத்தினர், என் சொந்தங்கள் எனப் பேசி வந்த முதலமைச்சர் விஜய், தற்போது பாதிக்கப்பட்ட மக்கள் வீதியில் இறங்கிப் போராடி வரும் நிலையில் அமைதி காப்பது ஏன் என்று தெரியவில்லை.

சொந்தங்கள் என்று வார்த்தைகளால் பேசுவது மட்டும் போதாது; அவர்களின் துயரமான நேரங்களில் களத்தில் நின்று குரல் கொடுப்பதே உண்மையான தலைவருக்கு அழகு. ஆனால், தங்கள் நியாயமான கோரிக்கைகளுக்காகத் தொடர் போராட்டத்தில் ஈடுபட்டு வரும் மக்களைச் சந்தித்து ஆறுதல் கூறவோ, அவர்களின் பிரச்சினைகளுக்குத் தீர்வு காணவோ முதலமைச்சர் இதுவரை முன்வராதது மக்களிடையே பெரும் ஏமாற்றத்தை அளித்துள்ளது.

வெறும் விளம்பர அரசியல் செய்வதை விடுத்து, உடனடியாகப் போராட்டம் நடத்தி வரும் பிரதிநிதிகளை அழைத்து அரசு பேச்சுவார்த்தை நடத்த வேண்டும். அவர்களின் கோரிக்கைகளுக்குத் தகுந்த நடவடிக்கை எடுத்துப் பிரச்சினையை உடனடியாகத் தீர்த்து வைக்க வேண்டும் என டி.டி.வி.தினகரன் வலியுறுத்தியுள்ளார்.

டி.டி.வி.தினகரனின் இந்த விமரிசனம் தற்போது தமிழக அரசியல் வட்டாரத்தில் பெரும் பரபரப்பை ஏற்படுத்தியுள்ளது.