2026-ம் ஆண்டுக்கான வேதியியல் நோபல் பரிசு பிரான்ஸ் மற்றும் ஜப்பான் விஞ்ஞானிகளுக்குக் கூட்டாக வழங்கி கவுரவம்

சமச்சீரற்ற கரிமத் தொகுப்பு மற்றும் தன்வினையூக்கம் துறைகளில் புரட்சிகரமான ஆய்வுகளை மேற்கொண்ட இரண்டு விஞ்ஞானிகளுக்கு இம்முறை நோபல் பரிசு கூட்டாக வழங்கப்படவுள்ளது.

பிரான்ஸ் நாட்டைச் சேர்ந்த ஹென்றி பி. காகன் மற்றும் ஜப்பான் நாட்டைச் சேர்ந்த கென்சோ சோய் ஆகிய இருவரே இந்த உயரிய விருதிற்குத் தேர்ந்தெடுக்கப்பட்டுள்ளதாக ராயல் ஸ்வீடிஷ் அகாடமி ஆஃப் சயின்ஸ் அறிவித்துள்ளது.

இயற்கையில் காணப்படும் மூலக்கூறுகள் மற்றும் அவற்றின் கண்ணாடிப் பிம்பங்கள் சார்ந்த வேதியியல் புதிர்களுக்கு இவர்கள் இருவரும் தங்களது கண்டுபிடிப்புகள் மூலம் தீர்வு கண்டுள்ளனர். குறிப்பாக, சமச்சீரற்ற கரிமத் தொகுப்பில் நேரியல் அல்லாத விளைவுகள் மற்றும் தன்வினையூக்கத்தின் செயல்பாடுகளை உலகுக்கு வெளிப்படுத்திய இவர்களின் ஆய்வு, நவீன வேதியியல் மற்றும் மருந்துத் தயாரிப்புத் துறைகளில் மிகப்பெரிய தாக்கத்தை ஏற்படுத்தியுள்ளது. வேதியியல் வரலாற்றில் இவர்களின் பங்களிப்பு ஒரு மைல்கல்லாகக் கருதப்படுகிறது.

தேர்வு செய்யப்பட்டுள்ள விஞ்ஞானிகளுக்கு தங்கப் பதக்கத்துடன் கூடிய சான்றிதழும், நோபல் பரிசுத் தொகையும் வரும் டிசம்பர் மாதம் ஸ்டாக்ஹோம் நகரில் நடைபெறும் கோலாகலமான விழாவில் வழங்கப்பட உள்ளது. அறிவியல் உலகிற்குப் பெரும் பெருமை சேர்த்துள்ள இவர்களின் சாதனைக்கு உலகெங்கிலும் உள்ள விஞ்ஞானிகள் மற்றும் கல்வி நிறுவனங்கள் தங்களது வாழ்த்துகளைத் தெரிவித்து வருகின்றன.