வாட் மாகாண மக்கள் தொகை 2046-ல் 10 லட்சத்தைத் தாண்டும்

தற்போது சுமார் 8 லட்சத்து 64 ஆயிரத்து 200 ஆக உள்ள மக்கள் தொகை, மத்திய கணிப்பு அடிப்படையில் 2055ஆம் ஆண்டில் சுமார் 10 லட்சத்து 50 ஆயிரமாக அதிகரிக்கும் என எதிர்பார்க்கப்படுகிறது.

இந்த மக்கள் தொகை அதிகரிப்பில் கிட்டத்தட்ட 90 சதவீதம் குடியேற்றம் காரணமாக இருக்கும் என கணிக்கப்பட்டுள்ளது.

அதேவேளை, அடுத்த 30 ஆண்டுகளில் மக்கள் தொகை வளர்ச்சி வேகம், கடந்த 30 ஆண்டுகளில் பதிவான வளர்ச்சியுடன் ஒப்பிடுகையில் சுமார் பாதியாக இருக்கும் என தெரிவிக்கப்பட்டுள்ளது.

மேலும், 65 வயதுக்கு மேற்பட்டோரின் விகிதம் தற்போது 17 சதவீதமாக உள்ள நிலையில், 2055ஆம் ஆண்டில் 22 முதல் 24 சதவீதமாக அதிகரிக்கலாம் என கணிக்கப்பட்டுள்ளது.

இந்த கணிப்புகள் பொதுக் கொள்கைகளைத் திட்டமிடுவதற்கான முக்கிய வழிகாட்டியாக அமையும் என வாட் மாகாண நிதியமைச்சர் வலேரி டிட்லி தெரிவித்துள்ளார்.