வடக்கின் சிறந்த பிரதேச செயலகங்களுக்குச் சபாநாயகர் விருது வழங்கி வைப்பு!

பொதுமக்களுக்கு மிகவும் திறமையாகவும் விரைவாகவும் சேவைகளை வழங்கும் நோக்கில், ஜனாதிபதி நிதியத்தின் சேவைகளைப் பிரதேச செயலக மட்டம் வரை பரவலாக்கும் வேலைத்திட்டத்தின் கீழேயே இந்த மதிப்பீடுகள் முன்னெடுக்கப்பட்டன.

யாழ்ப்பாணம், கிளிநொச்சி, மன்னார், முல்லைத்தீவு மற்றும் வவுனியா ஆகிய ஐந்து மாவட்டங்களைச் சேர்ந்த பிரதேச செயலகங்கள் இதில் உள்ளடக்கப்பட்டன. ஜனாதிபதி நிதியத்தின் விண்ணப்பங்களைப் பெற்றுக்கொள்வது மற்றும் அவற்றுக்கு விரைவாகப் பதிலளிக்கும் திறன் ஆகியவற்றுக்கு அமைவாக, ஒவ்வொரு மாவட்டத்திலிருந்தும் 3 பிரதேச செயலகங்கள் வீதம் தேர்ந்தெடுக்கப்பட்டு மொத்தம் 15 பிரதேச செயலகங்கள் கௌரவிக்கப்பட்டன.

மாவட்ட ரீதியில் முதன்மை பெற்ற பிரதேச செயலகங்கள்:

யாழ் மாவட்டம்: நல்லூர் பிரதேச செயலகம் (முதலாம் இடம்), சாவகச்சேரி பிரதேச செயலகம் (இரண்டாம் இடம்), வலிகாமம் கிழக்கு பிரதேச செயலகம் (மூன்றாம் இடம்).

கிளிநொச்சி மாவட்டம்: கிளிநொச்சி பிரதேச செயலகம் (முதலாம் இடம்), பூநகரி பிரதேச செயலகம் (இரண்டாம் இடம்), பச்சிலைப்பள்ளி பிரதேச செயலகம் (மூன்றாம் இடம்).

மன்னார் மாவட்டம்: நானாட்டான் பிரதேச செயலகம் (முதலாம் இடம்), மன்னார் பிரதேச செயலகம் (இரண்டாம் இடம்), மாந்தை மேற்கு பிரதேச செயலகம் (மூன்றாம் இடம்).

முல்லைத்தீவு மாவட்டம்: கரைதுறைப்பற்று பிரதேச செயலகம் (முதலாம் இடம்), ஒட்டுசுட்டான் பிரதேச செயலகம் (இரண்டாம் இடம்), மாந்தை கிழக்கு பிரதேச செயலகம் (மூன்றாம் இடம்).

வவுனியா மாவட்டம்: வவுனியா பிரதேச செயலகம் (முதலாம் இடம்), வவுனியா வடக்கு பிரதேச செயலகம் (இரண்டாம் இடம்), வெண்கலச்செட்டிக்குளம் பிரதேச செயலகம் (மூன்றாம் இடம்).

இந்நிகழ்வில் சபாநாயகர் ஜகத் விக்ரமரத்ன, அமைச்சர் இராமலிங்கம் சந்திரசேகர், நாடாளுமன்ற உறுப்பினர்களான செல்லத்தம்பி திலகநாதன், எம். ஜெகதீஸ்வரன் மற்றும் ஜனாதிபதியின் சிரேஷ்ட மேலதிக செயலாளரும் ஜனாதிபதி நிதியத்தின் செயலாளருமான ரோஷன் கமகே, மாவட்ட செயலாளர்கள் உட்படப் பல அரச அதிகாரிகள் கலந்துகொண்டனர்.