கலைப்பொருட்களின் வரலாற்றை ஆய்வு செய்ய சுவிஸ் அரசு 2 மில்லியன் பிராங்குகள் நிதி

2027 முதல் 2028-ஆம் ஆண்டு வரை செயல்படுத்தப்படவுள்ள 26 ஆய்வுத் திட்டங்களுக்கு இந்த நிதி வழங்கப்பட்டுள்ளது. பொதுமக்களுக்கான திட்ட விண்ணப்ப அழைப்பின் மூலம் மொத்தம் 30 விண்ணப்பங்கள் பெறப்பட்டதாக சுவிஸ் கூட்டாட்சி கலாசார அலுவலகம் தெரிவித்துள்ளது.

காலனித்துவ பின்னணி கொண்ட சேகரிப்புகளை ஆய்வு செய்வது திட்டங்களின் முக்கிய நோக்கங்களில் ஒன்றாகும். இதன் மூலம் எதிர்கால ஆய்வுகள் மற்றும் கலைப்பொருட்களை அவற்றின் பிறப்பிடங்களுக்கு மீண்டும் வழங்குவது தொடர்பான பேச்சுவார்த்தைகளுக்கு அடித்தளம் அமைக்கப்படும்.

பாசல் இயற்கை வரலாற்று அருங்காட்சியகம், இந்தோனேசிய பல்கலைக்கழகத்துடன் இணைந்து 189 இந்தோனேசிய மனித எச்சங்களின் வரலாற்றை ஆய்வு செய்து வருகிறது. மேலும், ஒன்பது சுவிஸ் அருங்காட்சியகங்கள் இணைந்து கேமரூனைச் சேர்ந்த 6,300க்கும் மேற்பட்ட கலைப்பொருட்களை ஆய்வு செய்கின்றன.

நாசி ஆட்சிக் காலத்தில் கொள்ளையடிக்கப்பட்ட கலைப்பொருட்களும் ஆய்வின் மற்றொரு முக்கிய பகுதியாகும். பாசல் கலை அருங்காட்சியகம், 1933 முதல் 1945ஆம் ஆண்டு வரையிலான காலத்தைச் சேர்ந்த 336 ஓவியங்களின் தோற்றத்தை விரிவாக ஆய்வு செய்து வருகிறது.