மருத்துவ சோதனையில் அச்சுறுத்தல்: Novartis நிறுவனத்தின் 8 ஆய்வுகள் இடைநிறுத்தம்!

மருத்துவப் பரிசோதனையின் போது மூன்று நோயாளிகள் உயிரிழந்ததைத் தொடர்ந்து, தனது 8 முதன்மை மருத்துவ ஆய்வுகளை (Clinical Trials) சுவிட்சர்லாந்தின் முன்னணி மருந்து தயாரிப்பு நிறுவனமான Novartis தற்காலிகமாக நிறுத்தி வைத்துள்ளது.  

Autoimmune Disorders மற்றும் நரம்பியல் சார்ந்த பாதிப்புகளுக்கு சிகிச்சை அளிப்பதற்காக, rap-cel என்ற சோதனை அடிப்படையிலான CAR-T செல் சிகிச்சை முறையை இந்நிறுவனம் பரிசோதித்து வந்தது.  

ஆய்வின் போது, நோயாளிகளின் நோய் எதிர்ப்பு மண்டலத்தில் ஏற்பட்ட தீவிர எதிர்வினை (Immune Response) காரணமாகவே இந்த மூன்று உயிரிழப்புகளும் நிகழ்ந்துள்ளதாகத் தெரிவிக்கப்பட்டுள்ளது.  

இதனைத் தொடர்ந்து, இந்த ஆய்வுகளை மேற்பார்வையிடும் சுயாதீன பாதுகாப்பு குழு மற்றும் உலகளாவிய மருத்துவக் கட்டுப்பாட்டு அமைப்புகளுடன் இணைந்து, தீவிர மறுஆய்வுப் பணிகளை நோவார்டிஸ் நிறுவனம் மேற்கொண்டு வருகிறது.