தடையின்றி எரிவாயு வழங்க நடவடிக்கை: 4-வது கப்பல் 'கொரின்தியன்' அக்டோபர் 22-ல் வருகை!

3,900 மெற்றிக் டன் எரிவாயுவை ஏற்றிவந்த 'பிரான்சுவா' (FRANCOIS) கப்பல் நாட்டை வந்தடைந்துள்ளதுடன், அந்த எரிவாயுத் தொகையை தரை இறக்கும் பணிகள் தற்போது தீவிரமாக நடைபெற்று வருகின்றன.  

இதனைத் தொடர்ந்து, 3,900 மெற்றிக் டன் எரிவாயுவை ஏற்றிய நான்காவது கப்பலான 'கொரின்தியன்' (CORINTHIAN) எதிர்வரும் 22 ஆம் திகதி இலங்கையை வந்தடையும் என எதிர்பார்க்கப்படுகிறது. 

இந்த புதிய எரிவாயுத் தொகுதிகள் சந்தைக்கு விநியோகிக்கப்பட்டதும், நாடு முழுவதிலும் எரிவாயு விநியோகம் சீராக்கப்பட்டு, எந்தவித தடையுமின்றி நுகர்வோருக்கு வழக்கம்போல் அத்தியாவசிய எரிவாயு தாராளமாகக் கிடைக்கும் என லிட்ரோ நிறுவனம் உறுதியளித்துள்ளது.