யு.பி. தேர்தல்: 403 தொகுதிகளிலும் லோக் ஜனசக்தி தனித்துப் போட்டி!

உத்தரப்பிரதேசத்தில் விரைவில் நடைபெறவுள்ள சட்டமன்றத் தேர்தல் களம் சூடுபிடித்துள்ள நிலையில், அரசியல் கட்சிகள் தங்களது வியூகங்களை தீவிரப்படுத்தியுள்ளன.

இதன் ஒரு கட்டமாக, சிராக் பாஸ்வான் தலைமையிலான லோக் ஜனசக்தி கட்சி (LJP) உத்தரப்பிரதேசத்தில் உள்ள அனைத்து 403 தொகுதிகளிலும் தனித்துப் போட்டியிடத் தீவிரத் தயாரிப்புகளில் ஈடுபட்டுள்ளதாக அறிவித்துள்ளது.

மாநிலம் முழுவதும் கட்சியின் அடித்தளத்தை வலுப்படுத்துவதுடன், இளைஞர்கள் மற்றும் கிராமப்புற வாக்காளர்களை இலக்காகக் கொண்டு வேட்பாளர்களை நிறுத்த அந்த கட்சி திட்டமிட்டுள்ளது. தேசிய அளவில் சில கூட்டணிகளில் அங்கம் வகித்தாலும், உத்தரப்பிரதேசத் தேர்தலில் தனித்து நிற்பதன் மூலம் மாநிலத்தில் தங்களது பலத்தைக் நிரூபிக்க லோக் ஜனசக்தி கட்சி இந்த அதிரடி முடிவை எடுத்துள்ளது.

இந்த அறிவிப்பு உத்தரப்பிரதேச அரசியல் அரங்கில் மற்ற முக்கியக் கட்சிகளிடையே கவனத்தை ஈர்த்துள்ளதுடன், தேர்தல் களத்தை மேலும் பரபரப்பாக்கியுள்ளது.