சுவிட்சர்லாந்தில் வைரஸ் பரவல் – கோவிட் அதிகரிப்பு; ஃப்ளூ, RSV பாதிப்புகள் குறைவு!

அக்டோபர் 13ஆம் தேதி வெளியிடப்பட்ட அறிக்கையின்படி, பல பகுதிகளில் கோவிட்-19 வைரஸ் பரவல் அதிகரித்து வருகிறது. இருப்பினும், முந்தைய ஆண்டுகளுடன் ஒப்பிடும்போது வைரஸ் பாதிப்பு அளவு குறைவாகவே உள்ளது. தற்போது பரவி வரும் XFG வகையால், முந்தைய ஒமிக்ரான் வகைகளைவிட நோயின் தீவிரம் அதிகரிப்பதற்கான ஆதாரங்கள் இல்லை என உலக சுகாதார அமைப்பு தெரிவித்துள்ளது.

இதற்கிடையில், இன்ஃப்ளூயன்ஸா எனப்படும் காய்ச்சல் வைரஸ் பாதிப்பு இன்னும் குறைந்த அளவிலேயே உள்ளது. காய்ச்சல் பருவமும் இன்னும் தொடங்கவில்லை. குழந்தைகள், சிறுவர்கள் மற்றும் முதியவர்களுக்குக் கடுமையான பாதிப்பை ஏற்படுத்தக்கூடிய RSV வைரஸின் பரவலும் தற்போது குறைந்த அளவிலேயே இருப்பதாகத் தெரிவிக்கப்பட்டுள்ளது.

கோவிட்-19, இன்ஃப்ளூயன்ஸா மற்றும் RSV வைரஸ்களின் பரவலைக் கண்காணிக்க, மருத்துவ அறிக்கைகள், ஆய்வகப் பரிசோதனைகள் மற்றும் கழிவுநீர் மாதிரிகள் பயன்படுத்தப்படுகின்றன.