ஹவாய் நிறுவனத்தின் புதிய மடிப்பு ஸ்மார்ட்போன் 'மேட் XT2' அறிமுகம்!

சீனாவின் முன்னணி தொழில் நுட்ப நிறுவனமான ஹவாய் (Huawei), ஆப்பிள் மற்றும் சியோமி நிறுவனங்களின் கடும் போட்டிக்கு மத்தியில் தனது புதிய முதன்மை மடிப்பு ஸ்மார்ட்போனான 'மேட் XT2' (Mate XT2) மாடலை அதிகாரப்பூர்வமாக அறிமுகப்படுத்தியுள்ளது.

இரண்டு முறை மடிக்கப்பட்டு டேப்லெட் அளவுக்கு விரியும் திரை வசதியைக் கொண்டுள்ள இந்த ஸ்மார்ட்போன், ஹவாயின் சொந்தத் தயாரிப்பான 'கிரின் 9050 புரோ' (Kirin 9050 Pro) சிப்செட்டில் இயங்குகிறது. அமெரிக்காவின் வர்த்தகத் தடைகளை எதிர்கொள்ளும் வகையில், குறைந்த மின்நுகர்வில் அதிகச் செயல்திறனை வழங்கிடும் தொழில்நுட்பத்துடன் இந்தச் சிப் வடிவமைக்கப்பட்டுள்ளது

சீனாவின் மடிப்பு ஸ்மார்ட்போன் சந்தையில் 68 சதவீதப் பங்கைக் கொண்டுள்ள ஹவாய் நிறுவனம், இந்த புதிய வெளியீட்டின் மூலம் தனது சந்தைப் பிரிவைத் தொடர்ந்து முன்னணியில் தக்கவைத்துக்கொள்ள முயல்கிறது.