சுவிஸ் பனிப்பாறை உருகியதால் வெளிவந்த 1963-ஆம் ஆண்டின் விமான இடிபாடுகள்

சுவிட்சர்லாந்தில் உள்ள பனிப்பாறைகள் (Glaciers) வேகமாக உருகி வரும் நிலையில், சுமார் 63 ஆண்டுகளுக்கு முன்பு, அதாவது 1963-ஆம் ஆண்டில் விபத்துக்குள்ளான சிறிய விமானத்தின் பாகங்கள் பனிப்பாறைக்குள் இருந்து வெளியே தெரியவந்துள்ளன. 

சுவிட்சர்லாந்தின் 'யூரி' (Uri) மண்டலத்தில் அமைந்துள்ள 'ஹூபிஃபிர்ன்' (Hüfifirn) பனிப்பாறைப் பகுதியில் இந்த விமானத்தின் எச்சங்கள் கண்டுபிடிக்கப்பட்டு மீட்கப்பட்டுள்ளன.

மலையேற்றப் பயிற்சி மேற்கொண்ட நபர் ஒருவர், பனியில் வெளிப்பட்ட விமான பாகங்களைக் கண்டு காவல்துறைக்குத் தகவல் அளித்தார். அதைத் தொடர்ந்து சுவிஸ் ராணுவம் மற்றும் மீட்புக் குழுவினர் ஹெலிகாப்டர் உதவியுடன் சுமார் 250 கிலோகிராம் எடையுள்ள விமான இடிபாடுகளைப் பனிப்பாறையிலிருந்து மீட்டெடுத்துள்ளனர்.