பிரான்ஸ் முழுவதும் வேலைநிறுத்தம் – ஹாட்-சவோவா பள்ளிகளில் சேவைகள் பாதிப்பு!

குறிப்பாக, அன்னெசி, அன்னமாஸ் உள்ளிட்ட நகரங்களிலும் பல உள்ளாட்சிப் பகுதிகளிலும் பள்ளி உணவகச் சேவைகள், பள்ளி நேரத்திற்கு முன்பும் பின்பும் வழங்கப்படும் குழந்தைகள் பராமரிப்புச் சேவைகள் ஆகியவை முழுமையாக மூடப்படலாம் அல்லது குறைந்த அளவில் செயல்படலாம்.

வகுப்பறைக் கற்பித்தல் பணிகளும் இந்த வேலைநிறுத்தத்தால் பாதிக்கப்படும் எனத் தெரிவிக்கப்பட்டுள்ளது. இருப்பினும், ஒவ்வொரு பள்ளியிலும் பணிக்கு வரும் ஆசிரியர்கள் மற்றும் ஊழியர்களின் எண்ணிக்கையைப் பொறுத்தே பாதிப்பின் அளவு அமையும்.

எனவே, பெற்றோர்கள் தங்கள் பகுதிக்குரிய உள்ளாட்சி நிர்வாக அலுவலகமான மேரியைத் தொடர்புகொண்டு, பள்ளிகளின் தற்போதைய செயல்பாட்டு நிலவரத்தை உறுதிப்படுத்திக்கொள்ளுமாறு அறிவுறுத்தப்பட்டுள்ளனர்.