A2 நெடுஞ்சாலையில் 236 கி.மீ. வேகத்தில் இளைஞர்

Aich பகுதிக்கு அருகே இடம்பெற்ற இந்த அதிவேக சம்பவத்தைத் தொடர்ந்து, ஓட்டுநர் கைது செய்யப்பட்டதுடன், அவரது வாகனமும் பறிமுதல் செய்யப்பட்டதாக லூசெர்ன் காவல்துறை தெரிவித்துள்ளது.

கடந்த இரண்டு வார இறுதி நாட்களில் நடத்தப்பட்ட வேகக் கண்காணிப்பு நடவடிக்கைகளில், மணிக்கு 162 முதல் 181 கிலோமீட்டர் வேகத்தில் வாகனம் செலுத்திய மேலும் மூன்று பேரும் காவல்துறையினரால் தடுத்து நிறுத்தப்பட்டுள்ளனர்.

இந்த நான்கு ஓட்டுநர்களின் சாரதி அனுமதிப்பத்திரங்களும் ரத்து செய்யப்பட்டுள்ளன.

Aich மற்றும் Schenkon பகுதிகளில் நடத்தப்பட்ட இந்த இலக்கு வைக்கப்பட்ட வேகச் சோதனைகள், பொதுமக்களிடமிருந்து கிடைத்த புகார்களைத் தொடர்ந்து மேற்கொள்ளப்பட்டன.

குறிப்பாக, இரவு நேரங்களில் அதிக சத்தத்துடன் இயந்திரங்களை இயக்குதல் மற்றும் அதிவேகமாக வாகனங்களை முடுக்குதல் தொடர்பாக மக்கள் தொடர்ந்து புகார் தெரிவித்திருந்தனர்.