பிரிட்டனில் இருந்து பிரியும் 3 நாடுகள்?: ஐரோப்பிய அரசியலில் பெரும் திருப்பம்!

பிரிட்டனின் கட்டுப்பாட்டில் உள்ள இந்த மூன்று நாடுகளிலும் தற்போது சுதந்திரத்திற்கு ஆதரவான தலைவர்களே ஆட்சிப் பொறுப்பில் உள்ளனர். இதன் காரணமாக, கார்டிஃப் நகரில் நடைபெறும் முக்கியச் சந்திப்பில், லண்டன் நாடாளுமன்றத்தின் தலையீடு இன்றி சுதந்திரத்திற்கான வாக்கெடுப்பை நடத்துவதற்கான ஒப்பந்தம் மேற்கொள்ளப்பட உள்ளதாகத் தகவல்கள் தெரிவிக்கின்றன.  

இதுகுறித்து ஸ்காட்லாந்தின் முதல் அமைச்சர் கூறுகையில்: 

"வரலாற்றில் முதன்முறையாக ஸ்காட்லாந்து, வேல்ஸ் மற்றும் வட அயர்லாந்து ஆகிய மூன்று பிராந்தியங்களிலும் சுதந்திரத்தை விரும்பும் தலைவர்களே ஆட்சி செய்கின்றனர். தற்போதைய சூழல் இனி நீடிக்க முடியாது என்பதை இது தெளிவாகக் காட்டுகிறது.பிரிட்டன் அரசு தனது கட்டுப்பாட்டிற்கு பிந்தைய எதிர்காலத்திற்குத் தயாராக வேண்டும்" என்று தெரிவித்துள்ளார்.  

இந்த முயற்சியின் கீழ் ஸ்காட்லாந்து மற்றும் வேல்ஸ் ஆகியவை தனித்து இயங்கும் சுதந்திர நாடுகளாக மாறி ஐரோப்பிய ஒன்றியத்தில் மீண்டும் இணையத் திட்டமிட்டுள்ளன. அதேவேளையில், வட அயர்லாந்து பிரிட்டனில் இருந்து விலகி அயர்லாந்து குடியரசுடன் இணைய விருப்பம் தெரிவித்து வருகிறது.  

மூன்று பிராந்தியங்களும் ஒரே நேரத்தில் பிரிட்டனில் இருந்து வெளியேற ஆயத்தமாகி வருவது, பிரிட்டிஷ் பேரரசின் எதிர்காலத்திற்கே மிகப்பெரிய சவாலாக உருவெடுத்துள்ளது.