இங்கிலாந்துக்கு எதிரான 3வது ஒருநாள் போட்டி: இலங்கைக்கு 356 ஓட்டங்கள் வெற்றி இலக்கு!

இப்போட்டியில் நாணய சுழற்சியில் (Toss) வெற்றிபெற்ற இங்கிலாந்து அணி முதலில் துடுப்பெடுத்தாடத் தீர்மானித்தது. இதன்படி களம் இறங்கிய இங்கிலாந்து அணி நிர்ணயிக்கப்பட்ட 50 ஓவர்கள் நிறைவில் 7 விக்கெட்டுகளை இழந்து 355 ஓட்டங்களைக் குவித்து வலுவான நிலையில் உள்ளது.

இங்கிலாந்து அணியின் ஆரம்ப துடுப்பாட்ட வீரர் டாம் பேன்டன் (Tom Banton) சிறப்பான ஆட்டத்தை வெளிப்படுத்தி அதிகபட்சமாக 126 ஓட்டங்களைக் குவித்தார்.

அணியின் தலைவர் ஹரி புரூக் (Harry Brook) 77 ஓட்டங்களையும், ஜோர்டான் காக்ஸ் (Jordan Cox) 76 ஓட்டங்களையும் பெற்று அணிக்கு வலு சேர்த்தனர்.

இலங்கை அணி சார்பில் அபாரமாக பந்துவீசிய அசித பெர்னாண்டோ (Asitha Fernando) 3 விக்கெட்டுகளையும், சசிந்து கொலம்பகே (Sachindu Colombage) 2 விக்கெட்டுகளையும் வீழ்த்தினர்.

இதன்படி, தொடரைத் தீர்மானிக்கும் இந்த முக்கிய போட்டியில் இலங்கை அணி வெற்றிபெற 356 ஓட்டங்கள் கடின இலக்காக நிர்ணயிக்கப்பட்டுள்ளது. சவாலான இந்த இலக்கை நோக்கி இலங்கை அணி தற்போது துடுப்பெடுத்தாடி வருகிறது.