கிளென் மேக்ஸ்வெலின் சர்வதேச கிரிக்கெட் அத்தியாயம் நிறைவு!

இதன் மூலம், அவுஸ்திரேலியாவுடனான தனது குறிப்பிடத்தக்க 14 ஆண்டு கால கிரிக்கெட் வாழ்க்கைக்கு அவர் முற்றுப்புள்ளி வைத்துள்ளார் என Cricinfo செய்தி வெளியிட்டுள்ளது. 

இந்த முடிவின் மூலம், தனது தலைமுறையின் மிகவும் அபாயகரமான மற்றும் வழக்கத்திற்கு மாறான துடுப்பாட்ட வீரர்களில் ஒருவரான மேக்ஸ்வெல், பிரமிக்க வைக்கும் அதிரடி ஆட்டம், போட்டிகளை வென்று தரும் செயல்திறன் மற்றும் கிட்டத்தட்ட தனி ஒருவராகவே ஆட்டத்தின் போக்கை மாற்றும் திறன் ஆகியவற்றின் அடிப்படையில் ஒரு பெரும் பாரம்பரியத்தை விட்டுச் செல்கிறார்.

38 வயதான இவர், அவுஸ்திரேலிய அணிக்காக மூன்று வகையான கிரிக்கெட் போட்டிகளிலும் விளையாடியுள்ளார்.

இதில் 7 டெஸ்ட் போட்டிகள், 149 ஒருநாள் சர்வதேசப் போட்டிகள் மற்றும் 130 டி20 சர்வதேசப் போட்டிகள் அடங்கும். 

இவர் ஒருநாள் போட்டிகளில் 3,990 ஓட்டங்களையும், டி20 போட்டிகளில் 2,897 ஓட்டங்களயைும், டெஸ்ட் கிரிக்கெட்டில் 339 ஓட்டங்களையும் எடுத்துள்ளார்.

மேலும், சர்வதேச அளவில் 136 விக்கெட்டுகளை வீழ்த்தியுள்ள இவர், அவுஸ்திரேலியாவின் ‘white-ball’ அணிகளில் ஒரு சிறந்த சகலதுறை வீரராக தன்னை நிலைநிறுத்திக்கொண்டார்.