காலி கடற்பரப்பில் அபாயத்தில் சிக்கிய 40 ஈரான் மாலுமிகள் பத்திரமாக மீட்பு!"

காலி (Galle) கடற்பகுதியிலிருந்து சுமார் 24 கடல் மைல் தொலைவில் நங்கூரமிடப்பட்டிருந்த கப்பல்களில் இருந்த ஈரான் மாலுமிகள் சிலர் அவசர மருத்துவ உதவி கோரி விடுத்த கோரிக்கையைத் தொடர்ந்து, இலங்கை கடற்படை மற்றும் சுங்கத்துறையினர் இணைந்து இந்த மனிதநேய மீட்பு நடவடிக்கையை முன்னெடுத்தனர்.

உடனடியாகக் கரைக்கு அழைத்துவரப்பட்ட 40 மாலுமிகளுக்கும் அவசர மருத்துவ உதவிகள் வழங்கப்பட்டதைத் தொடர்ந்து, அவர்கள் பாதுகாப்பாக நாடு திரும்புவதற்கான நடவடிக்கைகளும் ஒருங்கிணைக்கப்பட்டு மேற்கொள்ளப்பட்டுள்ளன.

சர்வதேசக் கடற்பரப்பில் ஏற்பட்ட இந்த அவசரச் சூழலில், இலங்கை அரசு வழங்கிய உடனடி மனிதநேய உதவி மற்றும் விரைவான நடவடிக்கை பல தரப்பினராலும் பாராட்டப்பட்டு வருகிறது.