வங்காள விரிகுடாவில் உருவாகியுள்ள 'அர்னாப்' புயல்: 28 ஆம் திகதி வரை பலத்த மழைக்கு வாய்ப்பு!

இதன் காரணமாக, இன்று முதல் எதிர்வரும் புதன்கிழமை (28 ஆம் திகதி) வரை வடக்கு, மேல், தென், சப்ரகமுவ, வடமேல், மத்திய மற்றும் வடமத்திய மாகாணங்களிலும், திருகோணமலை மாவட்டத்திலும் 100 முதல் 150 மில்லிமீட்டர் வரை பலத்த மழை பெய்யக்கூடும் என எதிர்பார்க்கப்படுகிறது.

இதேவேளை, நாட்டின் பல பகுதிகளில் பலத்த காற்றும், இடியுடன் கூடிய மழையும் பெய்யக்கூடும் என்பதால், மின்னல் தாக்கங்கள் மற்றும் கனமழையால் ஏற்படக்கூடிய அசம்பாவிதங்களைக் குறைத்துக்கொள்ள பொதுமக்கள் தேவையான முன்னெச்சரிக்கை நடவடிக்கைகளை மேற்கொள்ளுமாறு கேட்டுக்கொள்ளப் படுகிறார்கள்.

கடல்சார் தொழிலாளர்கள் மற்றும் மீனவர்கள், வளிமண்டலவியல் திணைக்களம் வெளியிடும் அடுத்தடுத்த முன்னறிவிப்புகளை அவதானிக்குமாறு அறிவுறுத்தப்படுகிறார்கள்.