அதிகாலையில் ஆப்கானிஸ்தானில் 5.3 ரிக்டர் அளவில் நிலநடுக்கம்!

அதிகாலை வேளையில் பொதுமக்கள் வீடுகளில் உறங்கிக் கொண்டிருந்த போது இந்த சக்திவாய்ந்த நிலநடுக்கம் ஏற்பட்டுள்ளது. இதன் காரணத்தால் கட்டடங்கள் மற்றும் வீடுகள் திடீரென அதிர்ந்ததால், பீதியடைந்த மக்கள் அலறியடித்துக்கொண்டு தெருக்களிலும் திறந்தவெளிகளிலும் தஞ்சம் அடைந்தனர்.

இந்த நிலநடுக்கத்தின் மையம் மற்றும் ஆழம் குறித்த தகவல்கள் சேகரிக்கப்பட்டு வருகின்றன. நிலநடுக்கத்தால் ஏற்பட்ட உயிர்ச்சேதங்கள் அல்லது பொருள் சேதங்கள் குறித்த முழுமையான தகவல்கள் இதுவரை வெளியாகவில்லை.

நிலநடுக்கத்தைத் தொடர்ந்து அப்பகுதிகளில் மீட்புக் குழுவினர் தயார் நிலையில் வைக்கப்பட்டுள்ளதாகவும், சேத விவரங்களைக் கண்டறியும் பணிகள் தீவிரமாக நடைபெற்று வருவதாகவும் உள்ளூர் தகவல்கள் தெரிவிக்கின்றன.