6 ஊழியர் நியமன குற்றச்சாட்டு: முன்னாள் அமைச்சர் கெஹெலிய ரம்புக்வெல்ல கைது!

முன்னாள் சுகாதார அமைச்சர் கெஹெலிய ரம்புக்வெல்ல இன்று (18) இலஞ்சம் அல்லது ஊழல் குற்றச்சாட்டுகளை விசாரிக்கும் ஆணைக்குழுவினால் கைது செய்யப்பட்டுள்ளார். 

விசாரணை ஒன்றுக்கு வாக்குமூலம் வழங்குவதற்காக இன்று காலை ஆணைக்குழுவில் முன்னிலையான அவர், விசாரணைகளின் பின்னர் கைது செய்யப்பட்டதாக தெரிவிக்கப்படுகிறது. 

ரூபவாஹினி கூட்டுத்தாபனத்தில் அனுமதிக்கப்பட்ட எண்ணிக்கையை மீறி 6 ஊழியர்களை பணியில் அமர்த்தியதன் மூலம் அரசாங்கத்திற்கு நிதி இழப்பு ஏற்படுத்தியதாக அவர் மீது குற்றச்சாட்டு முன்வைக்கப்பட்டுள்ளது. மேலும், அவர் அமைச்சராக பதவி வகித்த காலத்தில் முறையற்ற வகையில் சொத்துக்களை ஈட்டியதாகக் கூறப்படும் விவகாரம் தொடர்பிலும் இலஞ்ச ஊழல் விசாரணை ஆணைக்குழு சட்ட நடவடிக்கைகளை முன்னெடுத்து வருகின்றமை குறிப்பிடத்தக்கது.