பனிச்சரிவு விபத்து வழக்கில் வழிகாட்டிக்கு தண்டனை!

சுவிட்சர்லாந்தின் பேர்னீஸ் ஓபர்லேண்ட் (Bernese Oberland) பகுதியில் அமைந்துள்ள மேரிங்கன் அருகே, கடந்த 2023-ஆம் ஆண்டு மார்ச் மாதம் சர்வதேச விடுதிப் பள்ளி மாணவர்கள் பனிச்சறுக்கு சுற்றுப்பயணம் மேற்கொண்டனர். 

அப்போது ஏற்பட்ட எதிர்பாராத பனிச்சரிவில் சிக்கி, அமெரிக்கா மற்றும் பிரித்தானியாவைச் சேர்ந்த 18 வயதான இரு மாணவர்கள் பாறைச் சரிவிலிருந்து விழுந்து உயிரிழந்தனர். இந்தச் சம்பவம் குறித்த வழக்கை விசாரித்த துன் (Thun) பிராந்திய நீதிமன்றம், சுவிஸ் சுற்றுலா வழிகாட்டியின் கவனக்குறைவே இந்த விபத்திற்குக் காரணம் எனக் கூறி அவருக்குக் அபராதம் மற்றும் தண்டனை விதித்துள்ளது. 

சுற்றுப்பயணத்தின் போது அபாயகரமான செங்குத்தான பாதையைத் தேர்ந்தெடுத்து வழிகாட்டியதே இந்த அசம்பாவிதத்திற்கு முக்கியக் காரணம் என்று நீதிமன்றம் சுட்டிக்காட்டியுள்ளது.

அதேவேளையில், அவருடன் சென்ற மற்றொரு துணை வழிகாட்டியை நீதிமன்றம் விடுவித்துள்ளது. பனிச்சறுக்கு சுற்றுலாக்களின் போது பாதுகாப்பு விதிகளைக் கடுமையான முறையில் பின்பற்ற வேண்டும் என்பதை இந்தச் சம்பவம் மீண்டும் நினைவூட்டியுள்ளது.