வாட் மாநிலத்தின் 2027 பட்ஜெட்டில் 356 மில்லியன் பிராங்க் பற்றாக்குறை

65 மில்லியன் பிராங்குகள் அளவுக்கு புதிய செலவுக் குறைப்புகள் மேற்கொள்ளப்பட்ட போதிலும், மாநிலத்தின் மொத்த செலவுகள் 3.7 சதவீதம் அதிகரித்து 13.2 பில்லியன் பிராங்குகளாக உயரும் என நிதியமைச்சர் கிறிஸ்டெல் லூசியே தெரிவித்துள்ளார்.

உக்ரைன் தொடர்பான செலவுகளும் கிட்டத்தட்ட இரட்டிப்பாகி, 196 மில்லியன் பிராங்குகளாக அதிகரிக்கும் என எதிர்பார்க்கப்படுகிறது.

இதற்கிடையில், செப்டம்பர் 27ஆம் திகதி நடைபெறவுள்ள வாக்கெடுப்பில் வாட் மாநிலத்தின் வருமான வரியை 12 சதவீதம் குறைக்கும் திட்டம் வாக்காளர்களின் ஒப்புதலைப் பெறும் பட்சத்தில், பட்ஜெட் பற்றாக்குறை மேலும் அதிகரிக்கும்.

எனினும், 2030ஆம் ஆண்டுக்குள் மாநில நிதியை மீண்டும் சமநிலைக்கு கொண்டுவருவதே அரசின் இலக்காக உள்ளது.

இந்த நிலையில், மாநிலத்தின் கடன் சுமார் 600 மில்லியன் சுவிஸ் பிராங்குகளால் அதிகரிக்கும் என எதிர்பார்க்கப்படுகிறது.