ருஹுனு பல்கலைக்கழக மாணவர்களைத் தாக்கும் விசித்திர வைரஸ்!

கடந்த சில தினங்களாகப் பல்கலைக்கழகத்தின் பல பீடங்களைச் சேர்ந்த பெருமளவிலான மாணவர்களுக்குக் காய்ச்சல், தலைவலி மற்றும் உடல் சோர்வு போன்ற அறிகுறிகள் தென்பட்டுள்ளதைத் தொடர்ந்து அவர்கள் சிகிச்சைக்காக அனுமதிக்கப்பட்டுள்ளனர்.

வைரஸ் பரவலைக் கட்டுப்படுத்தவும், நோய் தொற்றுக்கு உள்ளான மாணவர்களுக்குத் தேவையான அவசர மருத்துவ சிகிச்சைகளை வழங்கவும் சுகாதார அதிகாரிகளும் பல்கலைக்கழக நிர்வாகமும் உடனடியாக நடவடிக்கை எடுத்துள்ளனர்.

நிலைமையைக் கருத்தில் கொண்டு, சுகாதார ஆலோசனைகளைப் பின்பற்றுமாறும், காய்ச்சல் அறிகுறிகள் தென்பட்டால் உடனடியாக மருத்துவ சேவையைப் பெறுமாறும் மாணவர்களுக்கு அறிவுறுத்தப்பட்டுள்ளது.