நெடுந்தீவு கடலில் அதிரடி: 9 இந்திய மீனவர்கள் கடற்படையினரால் கைது!

யாழ்ப்பாணம் நெடுந்தீவு தெற்கு கடற்பரப்பில் முன்னெடுக்கப்பட்ட விசேட ரோந்து நடவடிக்கையின்போதே இவர்கள் கைது செய்யப்பட்டுள்ளனர். இதன்போது அவர்கள் பயன்படுத்திய விசைப்படகு (டிராலர்) ஒன்றும் கடற்படையினரால் கைப்பற்றப்பட்டுள்ளது.

கைது செய்யப்பட்ட மீனவர்களும் கைப்பற்றப்பட்ட படகும் கங்கேசன்துறை துறைமுகத்திற்கு அழைத்து வரப்பட்டுள்ளனர். மேலதிக சட்ட நடவடிக்கைகளுக்காக அவர்களை யாழ்ப்பாணம் கடற்றொழில் நீரியல் வளங்கள் திணைக்கள அதிகாரிகளிடம் ஒப்படைக்கக் கடற்படையினர் நடவடிக்கை எடுத்து வருகின்றனர்.