பனாமாவில் மீண்டும் சக்திவாய்ந்த நிலநடுக்கம்: ரிக்டர் அளவில் 6.0 ஆகப் பதிவு!

ரிக்டர் அளவில் 6.0 ஆகப் பதிவாகியுள்ள இந்த நிலநடுக்கம், பனாமாவின் கடற்கரைப் பகுதியையொட்டிய ஆழமான பகுதியில் மையம் கொண்டிருந்ததாக ஜெர்மன் புவி அறிவியல் ஆராய்ச்சி மையம் (GFZ) மற்றும் அமெரிக்கப் புவியியல் ஆய்வு மையம் ஆகியவை உறுதிப்படுத்தியுள்ளன.

நிலநடுக்கத்தின் அதிர்வுகள் நாட்டின் பல்வேறு நகரங்களிலும் உணரப்பட்டன. வீடுகள் மற்றும் அலுவலகக் கட்டிடங்கள் திடீரென அதிர்ந்ததால், பொதுமக்கள் அலறிடித்துக்கொண்டு வீதிகளில் தஞ்சம் புகுந்தனர்.

நிலநடுக்கத்தைத் தொடர்ந்து சுனாமி எச்சரிக்கை எதுவும் விடுக்கப்படவில்லை என்ற போதிலும், கட்டிடங்களுக்கு ஏற்பட்ட சேதங்கள் மற்றும் உயிரிழப்புகள் குறித்த முழுமையான விவரங்கள் அதிகாரப்பூர்வமாகச் சேகரிக்கப்பட்டு வருகின்றன.

பனாமா மற்றும் அதன் சுற்றியுள்ள கடலோரப் பகுதிகளில் கடந்த சில நாட்களில் அடுத்தடுத்து நிலநடுக்கங்கள் பதிவாகி வரும் நிலையில், இந்த 6.0 ரிக்டர் அளவிலான சக்திவாய்ந்த நிலநடுக்கம் அப்பகுதி மக்களை மேலும் அச்சத்தில் ஆழ்த்தியுள்ளது.

அவசரக்கால மீட்புக் குழுவினர் மற்றும் நிவாரணப் படையினர் நிலநடுக்கத்தால் பாதிக்கப்பட்ட பகுதிகளுக்கு விரைந்துள்ளடன், பொதுமக்கள் அனைவரும் பாதுகாப்பு எச்சரிக்கைகளுடன் விழிப்புடன் இருக்குமாறு அரச அதிகாரிகளால் அறிவுறுத்தப்பட்டுள்ளனர்.