ஹைப்பர்சோனிக் பாலிஸ்டிக் ஏவுகணை சோதனையை வெற்றிகரமாக நடத்தியது பாகிஸ்தான்!

தொலைதூர இலக்குகளைத் மிகத்துல்லியமாகத் தாக்கும் திறன் கொண்ட இந்த ஏவுகணையின் சோதனை வெற்றிகரமாகப் பூர்த்தியடைந்துள்ளதாக பாகிஸ்தான் ராணுவத்தின் ஊடகப் பிரிவு (ISPR) அதிகாரப்பூர்வமாக அறிவித்துள்ளது.

இது குறித்து பாகிஸ்தான் ராணுவம் வெளியிட்டுள்ள அறிக்கையில்,"அதிநவீன வழிகாட்டுதல் தொழில்நுட்பத்துடன் வடிவமைக்கப்பட்டுள்ள இந்த ஏவுகணை, எதிரிகளின் வான்வழிப் பாதுகாப்பு அமைப்புகளை ஊடுருவி, நிர்ணயிக்கப்பட்ட இலக்குகளைத் துல்லியமாகத் தாக்கி அழிக்கும் திறன் கொண்டது. 

நாட்டின் பாதுகாப்புத் திறனை மேலும் வலுப்படுத்துவதில் இந்தச் சோதனை ஒரு முக்கிய மைல்கல்லாகும்" எனத் தெரிவிக்கப்பட்டுள்ளது.இந்த வெற்றிகரமான ஏவுகணைச் சோதனைக்காகப் பங்கேற்ற பொறியாளர்கள், விஞ்ஞானிகள் மற்றும் ராணுவ வீரர்களுக்கு பாகிஸ்தான் ஜனாதிபதி மற்றும் பிரதமர் ஆகியோர் தங்களது வாழ்த்துகளைத் தெரிவித்துள்ளனர்.