முதலமைச்சர் விஜய் அரசு இல்லத்திற்கு மாற்றம்? - பொதிகை வளாகம் புனரமைப்பு!

தற்போது முதலமைச்சர் தனது நீலாங்கரை இல்லத்தில் இருந்து தலைமைச் செயலகத்திற்குப் பயணிக்கும் போது, சுமார் 19 கிலோமீட்டர் தொலைவைக் கடக்க வேண்டியுள்ளது. 

இப்போக்குவரத்தின் போது பொதுமக்களுக்கும் வாகன ஓட்டிகளுக்கும் சிரமம் ஏற்படுவதைத் தவிர்க்கும் வகையில், தலைமைச் செயலகத்திற்கு மிக அருகில் தங்குவதற்கு அவர் விருப்பம் தெரிவித்திருந்தார்.  

இதனைத் தொடர்ந்து, சென்னை ஆர்.ஏ.புரம் பகுதியில் தொல்காப்பிய பூங்காவுக்கு எதிரே உள்ள 'பொதிகை வளாக' அரசு இல்லத்தை அதிகாரிகள் தேர்வு செய்துள்ளனர். முன்னாள் தலைமைச் செயலாளர் இறையன்பு வசித்த இந்த இல்லம், தலைமைச் செயலகத்தில் இருந்து வெறும் 8 கிலோமீட்டர் தொலைவில் அமைந்துள்ளது.  

தற்போது இந்த பொதிகை வளாக இல்லத்தில் தீவிரமான புனரமைப்புப் பணிகள் மேற்கொள்ளப்பட்டு வருகின்றன. பணிகள் அனைத்தும் நிறைவடைந்த பிறகு, முதலமைச்சர் விஜய் அவ்வில்லத்தை நேரில் பார்வையிட்டு இறுதி முடிவு எடுப்பார் என அரசு வட்டாரங்கள் தெரிவிக்கின்றன.