துர்காவாவில் முள்வேலிகளுக்குத் தடை கோரிக்கை

முள்வேலிகளில் வன விலங்குகள் சிக்கி காயமடைவதுடன், சில நேரங்களில் வேதனையுடன் உயிரிழக்கும் அபாயம் இருப்பதாக தீர்மானத்தை முன்வைத்துள்ள அரசியல்வாதிகள் தெரிவித்துள்ளனர்.

சுவிஸ் மக்கள் கட்சி, மையக் கட்சி மற்றும் பசுமைக் கட்சியைச் சேர்ந்த அரசியல்வாதிகள் இந்தத் தீர்மானத்தை முன்வைத்துள்ளனர். துர்காவ் மாகாணத்தில் காடுகள் மற்றும் காடுகளின் விளிம்புப் பகுதிகளில் இதுபோன்ற பல வேலிகள் இன்னும் இருப்பதாகவும் அவர்கள் கூறுகின்றனர்.

கால்நடை மேய்ச்சல் நிலங்களுக்கு முள்வேலி அவசியமில்லை என்றும், அதற்குப் பதிலாக விலங்குகளுக்கு குறைந்த ஆபத்தை ஏற்படுத்தும் மாற்று வேலி முறைகள் இருப்பதாகவும் தீர்மானத்தை முன்வைத்தவர்கள் தெரிவித்துள்ளனர்.

முள்வேலிகள் ஏற்கனவே உள்ள நிலங்களில் அவற்றை இரண்டு ஆண்டுகளுக்குள் அகற்ற வேண்டும் என முன்மொழியப்பட்டுள்ளது. காவல்துறை மற்றும் இராணுவப் பயன்பாடு உள்ளிட்ட சில குறிப்பிட்ட தேவைகளுக்கான வேலிகளுக்கு விலக்கு அளிக்கப்படும்.

மேலும், தற்காலிக மேய்ச்சல் வலைகளை மேய்ச்சல் தொடங்குவதற்கு முன்பாக மட்டுமே அமைக்க வேண்டும் என்றும், அவற்றை தொடர்ந்து கண்காணித்து, தேவையில்லாதபோது விரைவாக அகற்ற வேண்டும் என்றும் முன்மொழியப்பட்டுள்ளது.

இந்தத் தடைக்கு துர்காவ் மாகாண அரசாங்கமும் ஆதரவு தெரிவித்துள்ளது. முள்வேலிகளுக்குத் தடை விதிக்கும் வகையில் வேட்டைச் சட்டத்தில் மாற்றம் செய்வது பொருத்தமானது என அரசாங்கம் தெரிவித்துள்ளது.

இந்தத் தீர்மானம் குறித்து துர்காவ் மாகாண நாடாளுமன்றம் வரும் திங்கட்கிழமை முடிவு எடுக்க உள்ளது.