ஈரான் அணுசக்தி தலைவருக்கு விஸா மறுப்பு: அமெரிக்கா - ஈரான் இடையே மீண்டும் உச்சகட்ட பதற்றம்!

அமெரிக்காவின் அழுத்தத்தின் காரணமாகவே, மாநாட்டை நடத்தும் ஆஸ்திரிய அரசு முகமது எஸ்லாமிக்கு வழங்கிய விஸாவை ரத்து செய்துள்ளதாக ஈரான் பகிரங்கமாகக் குற்றம் சாட்டியுள்ளது. ஐக்கிய நாடுகள் சபையின் பயணத் தடை விலக்கிற்கு அமெரிக்கா எதிர்ப்பு தெரிவித்ததே இந்த விஸா ரத்து நடவடிக்கைக்கு முக்கிய காரணம் எனத் தகவல்கள் வெளியாகியுள்ளன.  

இதற்கு கடும் எதிர்ப்பு தெரிவித்துள்ள ஈரான் வெளியுறவுத்துறை, சர்வதேச அமைப்பின் கூட்டத்தில் உறுப்பினர் நாடு பங்கேற்பதைத் தடுப்பது ஐ.நா உடன்படிக்கைகளுக்கு எதிரானது எனக் கூறி, ஆஸ்திரிய தூதருக்கு நேரில் அழைப்பு விடுத்துத் தனது பலத்த கண்டனத்தைப் பதிவு செய்துள்ளது.  

ஏற்கனவே ஈரான் - அமெரிக்கா இடையே நிலவி வரும் ராஜதந்திர முரண்பாடுகளுக்கு மத்தியில், இந்த விஸா விவகாரம் இரு நாடுகளுக்கும் இடையிலான பதற்றத்தை மேலும் தீவிரப்படுத்தியுள்ளது.