வெளிநாட்டு மாணவர்களுக்குப் பேரிடி: துணைவர்கள், குழந்தைகளை அழைத்து வர அவுஸ்திரேலியா தடை?

புதிய திட்டத்தின்படி, வெளிநாட்டு மாணவர்கள் அவுஸ்திரேலியாவில் கல்வி பயிலும் காலத்தில், தங்களின் துணைவர்கள் (Spouse) மற்றும் குழந்தைகளை உடன் அழைத்து வருவதைத் தடுக்க நடவடிக்கை எடுக்கப்படவுள்ளது. மேலும், கல்வி முடிந்த பிறகு தற்காலிகக் குடியேற்ற விசாக்களைப் புதுப்பிப்பதற்கான அல்லது வேறு விசா பிரிவுகளுக்கு மாறுவதற்கான நடைமுறைகளை மிகவும் கடுமையானதாக மாற்ற அவுஸ்திரேலிய அரசு முடிவு செய்துள்ளது.

நாட்டின் உட்கட்டமைப்பு மற்றும் வீட்டுவசதிப் பற்றாக்குறையைக் கருத்தில் கொண்டே இந்த அதிரடி நடவடிக்கை எடுக்கப்பட்டு வருவதாகக் கூறப்படுகிறது. அவுஸ்திரேலிய அரசின் இந்த முடிவால் அங்கு உயர்கல்வி பயிலத் திட்டமிட்டுள்ள இலங்கை, இந்தியா உள்ளிட்ட பல நாடுகளைச் சேர்ந்த மாணவர்கள் கடும் பாதிப்புக்கு உள்ளாகும் சூழல் ஏற்பட்டுள்ளது.