ரசிகர்களுக்கு தீவாளி சர்ப்ரைஸ்: நடிகர் சூர்யாவின் "சீன்" திரைப்படத்தின் மாஸ் போஸ்டர் வெளியீடு!

ஜாகரம் ஸ்டுடியோஸ் மற்றும் 2D என்டர்டெயின்மென்ட் நிறுவனங்கள் இணைந்து தயாரிக்கும் இத்திரைப்படத்தின் புதிய போஸ்டரில், சூர்யா 'இன்பராஜ்' என்ற வித்தியாசமான போலீஸ் அதிகாரி கதாபாத்திரத்தில் மாஸான தோற்றத்தில் காட்சியளிக்கிறார். 

போஸ்டர் வெளியான சில நிமிடங்களிலேயே இணையதளத்தில் வைரலாகி சூர்யா ரசிகர்களிடையே பெரும் எதிர்பார்ப்பை ஏற்படுத்தியுள்ளது. 

போஸ்டர் மற்றும் டீஸரில் கம்பீரமான தோற்றத்தில் வரும் சூர்யா, ஆக்சன் மற்றும் காமெடி கலந்த வித்தியாசமான போலீஸ் கேரக்டரில் களமிறங்குகிறார்.இப்படத்தில் சூர்யாவுடன் இணைந்து நஸ்ரியா நசீம், நஸ்லென், ஆனந்தராஜ், ஜான் விஜய் உள்ளிட்ட பலர் முக்கிய கதாபாத்திரங்களில் நடிக்கின்றனர்.சுஷின் ஷியாம் இசையமைக்கும் இத்திரைப்படத்திற்கு வினீத் அகஸ்டியன் ஒளிப்பதிவு செய்கிறார்.  

திரைப்படம் வரும் நவம்பர் 6-ஆம் தேதி தீபாவளி பண்டிகையை முன்னிட்டு திரையரங்குகளில் வெளியாகும் என படக்குழு அறிவித்துள்ளது. போஸ்டர் மற்றும் டீஸர் அப்டேட்டால் உற்சாகமடைந்துள்ள ரசிகர்கள், சமூக வலைதளங்களில் கொண்டாட்டங்களைத் தொடங்கியுள்ளனர்.