அரச துறையில் அதிரடி மாற்றம்: 34 நிறுவனங்களை மூடுவதற்கு நிதி அமைச்சு தீர்மானம்!

பத்தரமுல்லையில் இடம்பெற்ற நிகழ்ச்சி ஒன்றில் கலந்துகொண்டு உரையாற்றும்போதே ஜனாதிபதி இதனைக் குறிப்பிட்டார். தற்காலத்திற்குப் பொருத்தமற்ற வகையிலும், காலாவதியான தேவைகளுக்காகவும் உருவாக்கப்பட்ட சில நிறுவனங்கள் தொடர்ந்தும் பேணப்படுவதால் அரச நிதிக்குப் பாரிய சுமை ஏற்பட்டுள்ளதாக அவர் சுட்டிக்காட்டினார்.

இந்த நிறுவனங்களை மூடுவது அல்லது சிலவற்றை ஒருங்கிணைப்பது தொடர்பில் ஆராய்ந்து பரிந்துரைப்பதற்காக விசேட குழுவொன்றும் நியமிக்கப்பட்டுள்ளதாக ஜனாதிபதி தெரிவித்தார். 

அத்துடன், தற்போதைய காலத்திற்கேற்ப அரச சேவையை நவீனமயப்படுத்தவும், தொழில்வல்லுநர்களை அரச சேவையில் ஈர்ப்பதற்கான முறையான வழிவகைகள் ஆராயப்பட்டு வருவதாகவும் அவர் மேலும் குறிப்பிட்டார்.