ஒலி அலைகளில் இயங்கும் நுண் ட்ரோன்கள்

சுவிட்சர்லாந்தின் லோசான் நகரில் உள்ள ஈ.பி.எஃப்.எல் (EPFL) தொழில்நுட்பக் கழகத்தின் ஆய்வாளர்கள், ஒலி அலைகளை உந்து சக்தியாக (Propulsion) மாற்றும் புதிய வகை நுண் ட்ரோன்களை உருவாக்கியுள்ளனர். 

பாரம்பரிய ட்ரோன்களில் பயன்படுத்தப்படும் மோட்டார்கள், பேட்டரிகள் அல்லது மின்னணு பாகங்கள் எதுவும் இந்த நுண் ட்ரோன்களில் கிடையாது. அதற்குப் பதிலாக, இவற்றில் அமைக்கப்பட்டிருக்கும் சிறப்பு வடிவக் குழிகள் (Acoustic Cavities) ஒலி அலைகளை உள்வாங்கி உந்து சக்தியாக மாற்றுகின்றன. 

வெவ்வேறு அதிர்வெண் கொண்ட ஒலிகளைப் (Sound Frequencies) பயன்படுத்துவதன் மூலம், இந்த ட்ரோன்களின் திசையையும் வேகத்தையும் துல்லியமாகக் கட்டுப்படுத்த முடியும் என ஆய்வாளர்கள் தெரிவிக்கின்றனர். 

மருத்துவத் துறை, மிக நுண்ணிய இடங்களை ஆய்வு செய்தல் மற்றும் சுற்றச்சூழல் கண்காணிப்பு போன்றவற்றில் இந்த ஒலி அடிப்படையிலான ட்ரோன்கள் மிகப்பெரிய மாற்றத்தைக் கொண்டுவரும் என எதிர்பார்க்கப்படுகிறது.