ஆயுர்வேத நிலையங்கள், மருந்தகங்களில் போதைப்பொருள் கடத்தல்: பிரதி அமைச்சர் சுனில் வட்டகல எச்சரிக்கை!

அகில இலங்கை தனியார் மருந்தக உரிமையாளர்கள் சங்கத்தின் 11வது ஆண்டு நிறைவு விழாவில் கலந்துகொண்டு உரையாற்றும்போதே அவர் இதனைத் தெரிவித்தார்.

இந்த சட்டவிரோத நிலைமையைக் கட்டுப்படுத்துவதற்காக மாவட்ட மட்டத்தில் விசேட திட்டங்களை நடைமுறைப்படுத்தத் திட்டமிட்டுள்ளதாகப் பிரதி அமைச்சர் சுட்டிக்காட்டினார்.

இதன்படி, ஒவ்வொரு மாவட்டத்திலும் உள்ள மருந்தக உரிமையாளர்களை அழைத்து அவர்களுடன் சுமூகமாகக் கலந்துரையாடி, இவ்வாறான சட்டவிரோத செயற்பாடுகளைத் தடுப்பதற்குத் தேவையான நடவடிக்கைகள் எடுக்கப்படவுள்ளன.

மேலும், ஆயுர்வேத நிலையங்கள் என்ற பெயர்ப்பலகையைப் தொங்கவிட்டுக்கொண்டு தடைசெய்யப்பட்ட போதை ஊக்கமருந்துகளை விற்பனை செய்யும் சம்பவங்களும் இடம்பெறுவதாக அவர் இதன்போது சுட்டிக்காட்டினார்.

தேசிய மக்கள் சக்தி அரசாங்கத்தின் கீழ் சட்டம் அனைவருக்கும் சமமாக நடைமுறைப்படுத்தப்படும் என்று வலியுறுத்திய பிரதி அமைச்சர், தராதரங்கள் பார்க்காமல் எவருக்கும் எதிராகச் சட்டம் கடுமையாக நடைமுறைப்படுத்தப்படும் என்றும் தெரிவித்தார்.

முன்னாள் நிறைவேற்று அதிகாரம் கொண்ட ஜனாதிபதியாக இருந்தாலும் சரி, முன்னாள் பொலிஸ் மா அதிபராக இருந்தாலும் சரி அல்லது கிராமத்தில் உள்ள சாதாரண நபராக இருந்தாலும் சரி, அரசியலமைப்பின் 12(1) உறுப்புரையின்படி 'சட்டத்தின் முன் அனைவரும் சமம்' என்ற கோட்பாடே நாட்டில் உறுதியாக நடைமுறைப்படுத்தப்படும் என அவர் மேலும் குறிப்பிட்டார்.