சுவிஸ் பல்கலைக்கழகங்களில் மாணவர் சேர்க்கை 20 சதவீதத்திற்கும் மேல் அதிகரிக்கும்!

இளங்கலைப் படிப்புகளில் சர்வதேச மாணவர்களின் எண்ணிக்கை 19 சதவீதமும், முதுகலைப் படிப்புகளில் 37 சதவீதமும் அதிகரிக்கலாம் என கணிக்கப்பட்டுள்ளது. ஏற்கனவே, சூரிச் கூட்டாட்சி தொழில்நுட்பப் பல்கலைக்கழகத்தில் 40 சதவீதமும், லோசான் கூட்டாட்சி தொழில்நுட்பப் பல்கலைக்கழகத்தில் 56 சதவீதமும் வெளிநாட்டு மாணவர்கள் பயின்று வருகின்றனர்.

மாணவர் எண்ணிக்கை அதிகரிப்பதால், புதிய கட்டடங்கள், கூடுதல் பணியாளர்கள் மற்றும் அதிக அரச நிதி தேவைப்படும். சுவிட்சர்லாந்தில் பல்கலைக்கழகக் கல்விக் கட்டணம் அரசின் மானியங்களால் குறைவாக இருப்பதே இதற்குக் காரணம்.

இதற்கிடையில், ஐரோப்பிய ஒன்றிய மாணவர்களும் சுவிஸ் மாணவர்களைப் போலவே கல்விக் கட்டணம் செலுத்த வேண்டும் என நாடாளுமன்றம் கடந்த மாதம் தீர்மானித்துள்ளது. அதேவேளையில், ஐரோப்பிய ஒன்றியத்திற்கு வெளியே உள்ள நாடுகளின் மாணவர்களுக்கு அதிகக் கட்டணம் விதிப்பது குறித்தும் ஆலோசிக்கப்பட்டு வருகிறது.